Programet tona janë hartuar me kujdes për t’ju përgatitur për këto profesione humane dhe shumë të kërkuara, që kërkojnë përkushtim, empati dhe ekspertizë. Përmes ndërthurjes së njohurive teorike me aftësitë praktike, do të jeni plotësisht të aftë të ofroni mbështetje cilësore për ata që kanë më shumë nevojë.
Trajnim për fitimin e aftësive për mbështetje të përditshme, kujdes bazë dhe përmirësim të cilësisë së jetës së të moshuarve dhe personave të pafuqishëm. Programi përfshin teknika kujdesi, komunikim dhe ndihmë në aktivitetet e përditshme.
Aftësim për ofrimin e mbështetjes individuale për një jetë më të pavarur. Fokusi është te asistimi i personave me aftësi të kufizuara në funksionimin e përditshëm, integrimin social dhe lëvizshmërinë.
Trajnim i specializuar për ofrimin e kujdesit profesional dhe të vazhdueshëm për persona me aftësi të kufizuara mendore dhe fizike. Programi ju përgatit për nevojat e tyre specifike, me theks të veçantë te mbështetja e duhur që dallon nga kujdesi paliativ ose geriatrik.
Ky trajnim ofron njohuri për qasje të duhur dhe të ndjeshme, kujdes dhe mbështetje në zhvillimin e fëmijëve me aftësi të kufizuara mendore dhe fizike, duke krijuar një mjedis të sigurt, stimulues dhe gjithëpërfshirës për rritjen e tyre.
Program i specializuar për kujdesin dhe mbështetjen e personave me demencë dhe sëmundjen e Alzheimerit. Ofron njohuri për përballimin e sfidave specifike të sëmundjes, sigurimin e një mjedisi të sigurt, ruajtjen e dinjitetit dhe komunikimin e duhur.
Trajnim për ofrimin e mbështetjes fizike dhe funksionale për personat e prekur nga skleroza e shumëfishtë. Programi përfshin specifikat e përparimit të gjendjes, ndihmën në aktivitetet ditore, lëvizshmërinë dhe ruajtjen e pavarësisë maksimale.
Aftësim për kujdes gjithëpërfshirës dhe lehtësim të vuajtjeve te personat me sëmundje të rënda, kronike dhe terminale. Programi përfshin bazat e kujdesit simptomatik, ruajtjen e rehatisë, mbështetjen emocionale dhe ndihmën psikosociale për familjet e tyre.
Duke paraqitur interesin tuaj, ndikoni drejtpërdrejt në shpejtësinë e formimit të grupit dhe siguroni përparësi në regjistrim.
